आईतवार ६, असार २०७८ Sun,20 Jun 2021

सर्वाधिकार सुरक्षित

ओलीलाई देश र जनताको हितमा काम गर्न कहाँ कसले रोक्यो : देउवा



सोमबार २७ , बैशाख २०७८

प्रतिपक्षी नेपाली कांग्रेसका सभापति शेरबहादुर देउवाले प्रधानमन्त्री केपी ओलीलाई देश र जनताका हितमा काम गर्न कहाँ कसले रोक्यो ? भन्दै प्रश्न गरेका छन्। सोमबार प्रतिनिधिसभा बैठकमा विश्वासको मत माग्ने प्रधानमन्त्री  ओलीको प्रस्तावमाथि भएको छलफलमा भाग लिँदै देउवाले यस्तो बताएका हुन्।
 
थाहा पाउँदापाउँदै केपी ओलीले विश्वासको मत मागेको भन्दै यो परिस्थितिका लागि स्वयं प्रधानमन्त्री जिम्मेवार हुनुपर्नेमा देउवाको भनाइ छ। 'हाम्रो संविधानले प्रधानमन्त्रीलाई कार्यकारीको सम्पूर्ण अधिकार दिएको छ। देश र जनताका हितमा काम गर्न उहाँलाई कसले कहाँ रोक्यो,' उनले भने।

उनले संविधान निर्माण भइसकेपछि पहिलो संसदीय निर्वाचनमा तत्काल एमाले र माओवादीको गठबन्धन मिलेर सरकार बनेको भन्दै तीन वर्ष नपुग्दै बहुमत पाएको प्रधानमन्त्रीले विश्वासको मत माग्नु विडम्बना भएको बताए। उनले भने,' यो परिस्थितिका लागि स्वयं प्रधानमन्त्री जिम्मेवार हुनुपर्छ।'

उनले  प्रमुख प्रतिपक्षी दलका रुपमा आफ्नो दलले रचनात्मक र सहयोग भूमिका खेल्दा आलोचित हुनु परेको बताए । ‘आफू कार्यकारी प्रमुख हुने अनि अरुमाथि दोष थोपर्ने ?’ देउवाले भने, ‘अरुमाथि दोष र गुनासो थोपरेर जिम्मेवारीबाट प्रधानमन्त्री भाग्न पाउनुुहुन्छ ?’

via @Annapurna_Post

Featured News

Advertisement