भलिबल टिमकी कप्तान अरुणा शाही बनिन् वर्ष महिला खेलाडी
मंगलवार
२३ ,
फाल्गुन
२०७९
Tamor Khabar
851
काठमाडौँ — राष्ट्रिय भलिबल टिमकी कप्तान अरुणा शाही एनएसजेएफ पल्सर स्पोर्ट्स अवार्ड–२०७८ को वर्ष महिला खेलाडी घोषित भएकी छिन् ।
नेपाल खेलकुद पत्रकार मञ्चको आयोजनामा दिइने उक्त अवार्ड मंगलबार राष्ट्रिय खेलकुद परिषद्का सदस्य सचिव टंकलाल घिसिङले शाहीलाई प्रदान गरेका हुन् । अरुणाले अवार्डसँगै बजाज पल्सर मोटरसाइल प्राप्त गरेकी छिन् ।
वर्ष महिला खेलाडीको मनोनयनमा दुई महिला क्रिकेटर रुबिना क्षेत्री र सीता रानामगरसहित भलिबलकी अरुणा शाही, एथलेटिक्सकी पुष्पा भण्डारी र बक्सिङकी पुनम रावल परेका थिए । उनीहरूलाई उछिन्दै शाही वर्ष महिला खेलाडी घोषित भएकी हुन् ।
अरुणाकै कप्तानीमा नेपालले दुई पटक एभीसी सेन्ट्रल जोनको उपाधि जित्न सफल भएको थियो ।
